تعديل

التسميات

السبت، 14 ديسمبر 2013

بيتزا مبرومة بالبشاميل صيامى





بيتزا مبرومة بالبشاميل:
لتحضير الخميرة:
معلقة كبيرة سكر
باكو خميرة فورية
معلقة كبيرة ماء دافىء

هنسيبهم فى الكوباية لغاية ما يرتفعوا و ينفشوا

لتحضير عجين البتزا

المكونات:

3 كوب كبير دقيق
1/3 كوب زيت
ثمرة بطاطس مسلوقة و مهروسة
ملعقة شاى ملح
كوب ماء فاتر للعجن

الطريقة:

فى حلة كبيرة هننخل الدقيق مع الملح ثم نضيف الزيت و نفرك العجين الى ان يفرك جيدا و بعدين نضيف الخميرةو البطاطساية و الماء و نعجن جيدا حتى يتماسك العجين

نخرمة العجين 3 خروم و نقفل عليه أو نغطيه و نسيبه يخمر و يتضاعف 3-5 ساعات
نقسم العجين 3 كور(لصوانى صغيرة) أو كورتين (لصوانى كبيرة) حسب حجم الصينية نحط كورة ف الفريزر لوقت الحاجة و نستعمل الأخرى
نرش الدقيق على مكان العجن و نفرد العجين بالنشابة على شكل مستطيل نسيبه 15 دقيقة فى الصينية
نولع الفرن على حرارة 200 س (400 فهرنهايت) لمدة ربع ساعة
نفرد مزيج من الصلصة (كوب) و ملعقتين كبار مستردة نخلطهم ثم نفردهم على المستطيل

هنجيب سبانخ ورق (حزمة أو حزمتين) نطلع الورق من السيقان و نسلقها فى ماء و ملح و نصفيها من الماء تماما و بعدين نحطها ف المفرمة و بعد ما تتفرم نعصرها جيدا....نخلط السبانخ دى مع نصف كوب جبنة صيامى العجايبى بأى طعم كلهم احلى من بعض

هنفرد السبانخ على البتزا و بعدين نلفها رول بالطول و نقطعها بالعرض مثل السويسرول و نرصها فى صينية دائرية على شكل وردة و ممكن نصب فوقيها البشاميل الموجود فى بوست سابق و ممكن نسكب فوقها الصلصة بالماستردة و عليهم معلقتين كبار جبنة صيامى ...

نحط الصينية فى الفرن على حرارة عالية ربع ساعة و بعدين نولع عليها الشواية 10 دقائق أو اكثر حتى تحمر...و بالهنا و الشفا


تم النقل من موقع رب المجد

0 التعليقات :

إضغط هنا لإضافة تعليق

إرسال تعليق

Blogger Widgets