مارمينا خلاة يبطل السجاير !!!

ليا واحد قريبى عرفت انة بيشرب سجاير من فترة طويلة ولانى عارفة خطر السجاير والامراض اللى بتسببها زى "امراض السرطان والقلب وامراض الكبد والكلى وامراض الجهاز التنفسى والعقم" وحاجات تانى كتير..اتضايقت جدا علشانة وخصوصا انة شاب ولسة فى بداية حياتة..حاولت معاة كتير بالكلام لكن للاسف مفيش فايدة..وفى يوم عرفت ان القديس مارمينا العجايبى عمل معجزة مع واحد كان بيشرب سجاير كتير وبطلها نهائى والموضوع دة كان من فترة طويلة تقريبامن 25 سنة... روحت بصيت لصورة القديس مارمينا العجايبى واترجيتة وعنيا كلها دموع وطلبت منة انة يقف مع قريبى دة ويخلية هو كمان يبطل السجاير...صحيح هو لية فترة طويلة بعيد عن الكنيسة وعن ربنا بس ربنا قلبة حنين وعمرة ما ينسى اولادة وبعد فترة عرفت ان قريبى دة سهران مع اصحابة "واكيد هيشرب سيجارة او اكتر"................صدقونى فضلت اكتر من ساعة باصة لصورة بابا يسوع ومارمينا وببكى وبترجاهم انة يبطل السجاير وتكون دى اخر مرة يشرب فيها سجاير ...بس بصراحة لانى عارفة انا اللى بيشرب سجاير صعب يبطلها مرة واحدة ما كنتش متوقعة انة يبطلها ...وبعدها بيومين عرفت انة بطلها نهائى والموضوع دة كان من شهرين ودلوقتى هو مش بيطيق ريحتها خالص وفرحت جدا جدا للى عملو بابا يسوع معاة بشفاعة ابنة القديس مارمينا العجايبى وكمان البابا كيرلس ابويا وشفيعى وشكرتهم جداجدا ومن شدة فرحتى بكيت لاننا ما نستاهلش كل الحاجات الحلوة اللى بيعملها معانا بابا يسوع.....ما نستاهلش كل الحب والحنان اللى ربنا مديهولنا



ليتمجد اللة فى قديسية

تم النقل من موقع رب المجد

I'm reading: مارمينا خلاة يبطل السجاير !!!

بقلم المحرر

جميع الأخبار على المدونة هي من مصادر خارجية وعلى مسؤولية مقدم المحتوى، ولا يتحمل الموقع أدنى مسؤولية عن صحة أو دقة تلك الأخبار.

قسم : Religious