يحكى د/ م فيقول :
سنه 1996 دخلت دراسات عليا فى القاهره وفى اخر ماده رسبت وفى زيارتى للدير كلمت ابونا فلتاؤس عن ماحدث معى واخذ يقول لى كل اجابات السؤال ال انا رسبت فيه وكانت كل اجاباته مثل الكتاب بالظبط .فقال لى : جاوبت كدا ورسبت على الرغم من ذلك ". فقلت له نعم .
فقال لى أبونا "خلاص وكلنى كيلو كباب وانا انجحك !" فذهبت الى محل الكباب بالاسكندريه 6 صباحا وطلب كيلو كباب فقال صاحب المحل العمل هايبدأ من الساعه 12 ظهرا فقلت له : " انا هادفع كل ما تطلبة منى بس انا محتاج الكباب دلوقتى " فوافق الرجل وجهز الكباب فاخذته وسافرت الدير وقابلت ابونا فى المضيفه فاخذ يقول للناس :"دا كباب الدكتور /فلان كل ياجدع " (وراح معفَّر دقنة بالخضرة بتاعة الكباب آل يعني أكل ) ثم اخذ يقولى لى ان الكباب حلو .. خلاص النتيجه هاتكون حلوه زى الكباب .
وبالفعل د/مفيد شهاب رئيس جامعه القاهره وقتئذ اصدر قرارا ان الذى نجح فى كل المواد ورسب فى ماده واحده ياخذ 10 درجات وانا كنت واخد 53 والنجاح من 60 فلما اخذت ال 10 درجات اصبحت 63 ونجحت فى هذه الماده ببركه وصلوات وشفاعه ابينا القمص فلتاؤس السريانى.
تم النقل من موقع رب المجد
بقلم المحرر
جميع الأخبار على المدونة هي من مصادر خارجية وعلى مسؤولية مقدم المحتوى، ولا يتحمل الموقع أدنى مسؤولية عن صحة أو دقة تلك الأخبار.
0 التعليقات :
إضغط هنا لإضافة تعليق
إرسال تعليق
Blogger Widgets